تبلیغات
ÖGEY KÖLGƏ - ÖGEY KÖLGƏ
ÖGEY KÖLGƏ MƏNİ BİR GÖZƏL GÜNDƏ kÖLGƏM BOĞACAQ
... yazar : behruz ismailzadə

1.



باشلانقیج بیر نوقطه دیر
قورتولوش ایسه
نوقطه نی قویماق ایچین بیر قورشون 
قارالاماغا دیمز بو کاغاذ 
هانکی اوزونو چئویرسن عئینی قاراباسان
عئینی آدین دالیندا کؤلگه له نن بیر یاشام
سیس ده بئله سوووووس دئیه جک سن ایچین له باش باشا قالان اؤز قییم سانجی سینا
گل اؤلوم گول 
گول اؤلوم گل
هانکی آغزیدا گولله آچاجاغدیر بو ماهنی؟
هانکی دوداغدا دوراق لاناجاق دیر بو قورشون؟
سس وئر سؤز وئریم
سؤز وئر سیس ده سوسوم
اوره ییمده کی اینتیحار آغاجینی سووارماق دان یورولدوم
بیر آز دا سن بئجر بونو ااای ی ی ی ی
باشلانقیجی قان ایله قورودوب
قورتولوشو جهننمه قدر یولون وار جومله سی ایله قورتاران



2.

نس دامارینا دوشدو یئنه شئعیریمین
چاغیرماغیم بئله آغیر گلیر ساغیر قولاغینا
سن اؤپوشدور
من ا
ؤرتوم
قاپیدا دوران سؤزجوک لرین سؤزجو لرینین اوستونه بو شئعیری
سن اؤپوشدور
من
پرده لرین آیین شایین آیی یوخلامالارینا آی دوشدوروم
سن اؤپوشدور
من
دوشونده کی جئیران مه لر ماهنی سی نین سو سوز قالان داغلارینا دنیز آختاریم
سن سوی
من قیریم
سؤز ده سویقیریم اولماز دئیه ن شاعیرلرین قولونجونو
بو شئعیر دن گیوتین قوخوسو گئدیر 
نار - ین - یوخسول قیرمیزی یوخوسونا
کانسئر اولموش سؤزجوک لرین هئجالارینا اویما
گئت - مه - گل
گولوشونو توت
و
قاچیر

... yazar : behruz ismailzadə
1. 

سنسیزلیغی سئومیره م
سن
سیز اولدوغو ایچین

2.

گئیدیر منی وطنه
قوی
اوشومه سین

3.

گؤزلرینده
مین اوچ یوز اللی دوققوز کره چیرپینیب
ده لی قاییدیب
دولو گلیره م
هاوانا بویور
هاوامی ساخلاسین

4.

ال سیز آیاق سیز بیر بوغازدا دویونله شن
سس کیمی
یالنیز !

... yazar : behruz ismailzadə
1
گون آیدین تانریم
راحات یاتا بیلدین می؟
چووخ شوکور
ایچیمیزدن بیریسی
کابوس سوز اویانمیش!


2

شهرده کی ایشیق لاری سوءندوروب
بیر شام یاندیرین
گله جک کپنک لرین ساغلیغینا !



3


بو شئعیرده کی سوءزجوک لر
آنام باجیم اولسون لار
یاشماق وورسالاردا
وورماسالاردا
حیالارینی پوزمادان
سئوگینین سرینلیغینی
منیمله پایلاشیرلار

  • səfhələr :16
  • 1  
  • 2  
  • 3  
  • 4  
  • 5  
  • 6  
  • 7  
  • ...  
görüş
mətləblər
yazar
.
bugün
dün
geçən ay
bütün görüşlər
son görüş
qonülar